Jer 17 | ZomZIV | STEP | “Judah’ mawhna a lungtang satak pek tung le a biakna-tau kite tungah sikzumin kikui kuakin suang hiamin kikhuak hi.

Jeremiah 17

1 “Judah’ mawhna a lungtang satak pek tung le
a biakna-tau kite tungah
sikzumin kikui kuakin
suang hiamin kikhuak hi. ^a
2 A tate nangawn un
singlim nuai le mualsang tunga ^b
a biakna-taute uh le
Asherah khuamte ^{▼▼17.2 Tua in Asherah nusian lim} ciamteh thei lai uh hi. ^d
3 Na gamsung khempeuh uha mawhna hangin ^e
gam sunga ka mualpi le
na neih na lam ^{▼▼17.2,3 Ahikeh mualneute / 3le gam sunga mual liante / Nangma} na goute khempeuh uh,
na munsangte uh tawh
galvanmat ka suaksak khin ding hi. ^g
4 Na mawhna uh hangin
kong piaksa gouluahna na taan ding uh hi.
Note in ka hehna na tawhkuang uh a,
kuangden ding ahi manin
na theih ngei lohna uh gam na galte uh tungah
sal kong suaksak ding hi.” ^h

5 TOPA gen hih ahi hi:

“Mihing muanga si-le-sa tungah kingate, ⁱ
ama hatna le a lungsim in TOPA pialsan ahi manin ^j
hamsiatna thuak ta hen.
6 Amah gamtulsa a sawlbawk bang dinga;
daupai hun a nei kei ding hi.
Kuama tenlohna, ci-gam, ^k
gamgawtak sehnel-gam ah a teng ding hi.
7 Ahi hangin a lungsim khempeuha
TOPA a muang mi, thupha ngah ahi hi. ^l
8 Amah tui gei-a kisuan
luipanga zungkha singkung bang ding hi.
Ni a sat ciangin lau lo a,
a tehte hing tawntung hi.
Guahtui haan’ kumin zong
patau lo - a gah lo tuan kei hi. ^m
9 Na khempeuh sangin lungsim khemhatzaw a ⁿ,
kidamsak thei lo hi.
Kua in theitel ding ahi hiam?
10 “TOPA in lungsim zonga,
ngaihsutna sittelin mi khat,
ama gamtatna tawh kizui, ^o
ama nasepna tawh kituakin pahtakman a pia hi.” ^p
11 Thuman lo-a a haute,
ama tui lopi a op valah tawh kibang hi.
A khan kimtan ciangin a neihsate beimang dinga,
a tawpna ah mihai ahilam kilangsak ding hi. ^q
12 Eite munsiangtho omna mun ahileh
a tunga kipan a kitawisang a minthang tokhom omna ahi hi. ^r
13 Israel-te lamet TOPA aw,
nang hong taisan khempeuh kimaizumsak ding hi. ^s
Nangmah hong taisante leivui laka lai kigelh a suak ding uh hi, ^t
bang hang hiam cih leh amaute in
a nungta ciktui ahi TOPA a taisan khin uh hi.
14 TOPA aw, kong pahtawipa nang na hi manin, hong damsak in,
tua hileh ka dam ding hi; ^u
hong honkhia in tua hileh ka suakta ding hi.
15 Amaute in kei tungah,
“TOPA thugen koi-ah om ahi hiam?
Tu-in tangtungsak in,’” hong cici uh hi.
16 Nangma tuucinna sung panin ka taikhia kei a;
siatna ni ka deih loh lam lah na theihsa ahi hi.
Ka kama pusuakkhia peuhmah na telsa ahi hi.
17 Siatna ni cianga ka bukna na hi hi, ^v
kei hong lausak kei in.
18 Kei hong bawlsiate maizumsak inla,
ahi hangin kei hong maizumsak kei in;
amaute lausak inla,
kei hong lausak kei in;
amaute tungah siatna ni tungsak inla,
siatna athuapthuapin tungsak in. ^w

Sabbath Sianthosak Nading

19 TOPA in kei tungah a thugen hih ahi hi: “Pai-in Judah kumpite a sungtum a pusuahna tangpite kongpi ah va ding inla: Jerusalem kongpi dang khempeuh ah zong va ding in. 20 Amaute kiangah, “Judah kumpite le Judah mi khempeuh le Jerusalem khua sungah tenga hih kongpi a tawnte khempeuh aw, TOPA thugen za un. 21 TOPA thugen hih ahi hi: Sabbath ni-in van na puak loh ding uh le Jerusalem kongpite ah na lutpih loh nadingun kidawm un. 22 Na inn panun van puakhia kei unla Sabbath ni-in bangmah sem loin na pute uh tunga ka thupiak bangin Sabbath ni a siangtho in tang un. 23 Amaute in ahileh ngai loin thusim lo uh a, ngawngkhauhin ka thu ngai loin, zuih zong a sawm tuan kei uh hi. 24 Ahi hangin note in ka thu nong man uh leh, TOPA in kong cihinah Sabbath ni-in hih khuapi kongpite ah van bangmah na tumpih kei ding uh a, Sabbath ni siangthotakin tangin tua ni-in bangmah na sem kei ding uh hi; 25 tua ciangin David tokhom tunga a tu kumpite a uliante uh tawh hih khuapi kongpite tawnin hong pai ding uh hi. Amaute le a uliante uh sakolleng le sakol in hong tuang ding uh a, Judah mite le Jerusalem a mite tawh hong tonin hih khuapi ah mi a teng den ta ding hi. 26 Judah khuapite pan le Jerusalem kima khuaneute pan, Benjamin gam le nitumna-lam mualbul pan mualtung gam le Negev panin mite hong pai ding uh a, TOPA inn ah meihal biakna le biakpiaknate, an-a biakna le gimnamtui le lungdamkohna biakna hong puak ding uh hi. 27 Ahi hangin ka thu hong mang loin Sabbath ni a siangtho-in na tan kei uh a, Sabbath ni-in Jerusalem kongpi tawnin van puasa in na pai teitei uh leh Jerusalem kongpite ah a kisumit thei lo mei ka tawhkuang dinga, tua in a kulh muanhuai a kangtum ding hi,’ ci in,” hong ci hi.